-কিশোৰ গগৈ
এয়া, ৰজনীৰ প্ৰথম পুৱা
মেলিলো দুই অক্ষি লক্ষ্যক স্হিৰ কৰি।
থোনুক থানাক কৈ খোজ দিলো
সাধিবলৈ নিজৰ স্হিৰ লক্ষ্য।।
মুক্ত বিশুদ্ধতাত হৈছো ডাঙৰ
গতি কৰিছো হবলৈ উপনিত গন্তব্য লক্ষ্যত।
ইচ্ছা জন্মদাতা জন্মদাত্ৰী সকলৰ
হব অধিষ্ঠিত তেওঁলোকৰ পুত্ৰ নিপুন লক্ষ্যত।।
সহ্য কৰি সহি কষ্ট সৰ্ব ধৰাৰ
গঢিছে আমাৰ শৰীৰ যোদ্ধাৰ সাজত।
স্হিৰ লক্ষ্য-যুদ্ধৰ অপৰাজেয় যোদ্ধা
জয়ী হবলৈ নেওচি হাজাৰ বাধা।
দিছে সান্তনা সাধিছে উৎসাহ
অতিক্ৰম কৰি পৰ্বত-পাহাৰ, হাবি-জংঘল।
কৰিছে কাকূতি বিধাতাৰ চৰণত
প্ৰণিপাত জনাইছে উদ্দেশি লক্ষ্যজয়ৰ।
যাতে নুঠে প্ৰশ্ন পৰাজয়ৰ
কৰিম সহিষ্ঞুতাৰে অহোপুৰুষাৰ্থ।
কৰিম সপোন দিঠকত পৰিণত
পৰিবৰ্তন কৰিম মাতৃৰ কান্দোন হাঁহিত।
হৈ ৰ’ব মোৰ নিঃকিন প্ৰজা
বিধাতাৰ গৃহ স্বৰ্গ ৰূপত।
অপূৰ্ব উজ্বল জকমকনিৰে জকমকাই
সাক্ষী হৈ ৰ’ব মোৰ লক্ষ্যজয়ৰ॥
No comments:
Post a Comment